काठमाडौँ । राष्ट्रिय प्रजातन्त्र पार्टी (राप्रपा) सम्बद्ध प्रवासी नेपाली एकता समाज पानसको बेलायत अध्यक्षमा रोशन सापकोटा सर्वसम्मतिले चयन हुनु भएको छ ।
कार्यसमितिको उपाध्यक्षमा सोनाम शेर्पा र शर्मिला लामा, महासचिवमा रमेश शाही ठकुरी, सचिवमा श्रीमती गीता गिरी, सङगठन विभागमा डा डेबिड थापा र भुपाल कार्की, प्राविधिकतर्फ राकेश शाह रहनु भएको सो पार्टीका प्रवक्ता मोहनकुमार श्रेष्ठले राससलाई जानकारी दिनुभयो ।
उहाँका अनुसार कार्यसमितिको सदस्यमा रामप्रवेश यादव, मिठूलाल बिक, सुरेन्द्र बम, शैलेस श्रेष्ठ, दीपक खड्का, कुमार गुरुङ र सुरज श्रेष्ठ रहनु भएको छभने भेलाले एकके श्रेष्ठ, वरिष्ठ गायिका मिरा राणा, नन्दकुमारी गुरुङ र प्रेमबहादुर गुरुङलाइ सल्लाहकार चयन गरेको छ ।
यसैगरी राप्रपाले पछिल्लो समय आक्रामक ढङगबाट पार्टीको प्रवास सङगठन विस्तार गर्ने नीति लिएको र कतिपय देशमा अधिवेशन सम्पन्न भइसकेको, कतिपय अधिवेशन हुने क्रममा रहेको प्रवास विभागले जनाएको छ ।
हालै मात्रै युएई र साउदी अरबमा पार्टी अध्यक्ष राजेन्द्र लिङ्देनको उपस्थितिमा अधिवेशन सम्पन्न भएको पनि विभागले जनाएको छ ।
