काठमाडौँ । बालुवाटारमा सत्ता गठबन्धन दलको बैठक बसेको छ ।
पछिल्लो राजनीति अवस्थाबारे छलफल गर्न बैठक बसेको प्रधानमन्त्रीको सचिवालयले जनाएको छ ।
बैठकमा संसद गतिरोध, गठबन्धन दलहरूबीच देखिएको अविश्वास लगायत विषयमा छलफल भईरहेको छ । सुन तस्करी प्रकरणमा उच्चस्तरीय छानबिन समितिको माग गर्दै नेकपा एमालेले संसद अवरोध गर्दै आईरहको छ ।
सोमबार पनि गठबन्धनको बैठक बसेको थियो । उक्त बैठकले आपसी अविश्वासलाई हल गर्दै वर्तमान गठबन्धन कायमै राख्ने निर्णय गरेको थियो ।
