२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

कंगनाले किन गरिन् जोनको तारिफ ?



अ+ अ-

एजेन्सी । बलिउड अभिनेत्री कंगना रनावतले अभिनेता जोन अब्राहमको तारिफ गरेकी छिन् । सामाजिक सञ्जालमा स्टोरी सेयर गर्दै कंगनाले बलिउडमा धेरै पटक नकारात्मक मान्छेको बारेमा खुलेर कुरा गरेको बताउँदै बलिउडमा पनि केही सकारात्मक मानिस पनि रहेको उल्लेख गरेकी छन् ।

उनले जोन अब्राहमको उदाहरण दिँदै जोन एकदमै वास्तविक र प्रेरणादायी व्यक्ति भएको बताइन् ।

कंगनाले यो पनि भनिन् कि जोन र उनी सम्पूर्ण फिल्म उद्योगमा मात्र दुई व्यक्ति हुन् जसले आफ्नो घरमा काम गर्ने कामदारहरूलाई पनि सम्मान गर्छन् र उनीहरूलाई परिवारको हिस्सा मान्छन् ।

कंगनाले जोन अब्राहमको तस्बिर सेयर गर्दै लेखेकी छिन्– ‘इन्डस्ट्रीमा भइरहेको नकारात्मकताका बारेमा मैले धेरै भनेको छु तर हामीले आफ्नो वरपर रहेको सकारात्मकतालाई बिर्सनु हुँदैन । मैले जोनसँग पनि काम गरेको छु र उहाँ कस्तो अद्भुत व्यक्ति हुनुहुन्छ भन्ने शब्दमा वर्णन गर्न सक्दिनँ । जनताले उहाँको व्यक्तित्वको बारेमा धेरै थाहा पाउने छैनन् किनभने उहाँले मिडियालाई उहाँको बारेमा लेख्न पैसा दिनुहुन्न ।’

कंगनाले थप लेखिन्– जोन निकै दयालु र समझदार व्यक्ति हुनुहुन्छ । उहाँ आफ्नो वैवाहिक जीवनको बारेमा मिडियामा कहिल्यै कुरा गर्नुहुन्न, पिआर पनि गर्नुहुन्न । उहाँले कहिल्यै पनि कुनै महिलासँग दुर्व्यवहार गर्नुभएन न त कुनै महिलाको फाइदा उठाउने प्रयास गनुर्भो । उहाँसँग न कुनै एजेन्डा छ न त उहाँ कुनै समूहको हिस्सा हुनुहुन्छ । उहाँ एक अद्भुत व्यक्ति हुनुहुन्छ, लव यु जोन ।’

कंगनाले सन् २०१३ मा जोन अब्राहमसँग फिल्म ‘शूटआउट एट वडाला’मा काम गरेकी थिइन् । सञ्जय गुप्ताद्वारा निर्देशित यस एक्सन फिल्ममा अनिल कपूर, तुषार कपूर, मनोज बाजपेयी र सोनू सूद पनि थिए ।