२२ चैत्र २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

टि-२० क्रिकेटमा बाबर आजमको अर्को शतक



अ+ अ-

एजेन्सी । पाकिस्तान क्रिकेट टोलीका कप्तान बाबर आजमले टि-२० क्रिकेटमा अर्को शतक बनाएका छन् । लंका प्रिमियर लिगअन्तर्गत कोलोम्बो स्ट्राइकर्सबाट खेलेका बाबरले गाले टाइटन्सविरुद्ध शानदार शतक प्रहार गर्दै जित दिलाएका थिए ।

जितको लागि १ सय ८९ रनको लक्ष्य पछ्याएको कोलोम्बोले १९.५ ओभरमा ३ विकेट गुमाउँदै पूरा गर्यो । गालेलाई ७ विकेटले पराजित गर्न बाबर आजमले ५९ बलमा ८ चौका र ५ छक्कासहित १ सय ४ रनको शतकीय इनिङ खेले । उनको यो टि-२० करिअरको १० औं शतक हो ।

टि-२० क्रिकेटमा सर्वाधिक शतक बनाउने कीर्तिमानी वेस्टइन्डिजका क्रिस गेलले बनाएका छन् । उनले २२ शतक हानेका छन् । विराट कोहली, आरोन फिन्च, डेविड वार्नर र माइकल किलिंगरले समान ८/८ शतक हानेका छन् ।

कोलोम्बोका ओपनर पाथुम निसांकाले ५४ रन बनाए । पहिलो विकेटका लागि पाथुम निसांका र बाबरले १ सय ११ रनको शतकीय साझेदारी गरेका थिए ।

टस हारेर पहिला ब्याटिङको निम्तो पाएको गालेले निर्धारित २० ओभरमा ३ विकेट गुमाउँदै १ सय ८८ रन बनाएको थियो । गालेको लागि टिम सिफर्टले सर्वाधिक ५४ रन बनाए । भानुका राजपक्षे ३०, शेभन ड्यानियलले ४९ र लासिथ क्रुसपुलले ३६ रन बनाए ।

प्रतियोगितामा कोलोम्बो ४ खेलमा २ जित र २ हारसहित ४ अंकका साथ तेस्रो स्थानमा छ ।