२१ चैत्र २०८१, शुक्रबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

विवादकाबीच ‘ओएमजी–२’ को ट्रेलर रिलिज (भिडियोसहित)



अ+ अ-

एजेन्सी । विवादका बीच ‘ओएमजी–२’ को ट्रेलर सार्वजनिक भएको छ । पंकज त्रिपाठी शिवभक्त बनेर ट्रेलर सुरु हुन्छ । ट्रेलरमा उनका छोराले आत्महत्या गरेको देखाइएको छ ।

उसलाई स्कुलमा जान लाज लाग्छ, बच्चाले यो लाज सहन सक्दैन र रेल ट्र्याकमा उभिन्छ । पंकज त्रिपाठीको चरित्रले आफ्नो बच्चालाई न्याय पाउन अदालतको ढोका ढकढक्याउँछन् । फिल्ममा पंकज त्रिपाठीको भूमिकाको नाम कान्ति शरण मुद्गल रहेको छ ।

पंकज त्रिपाठीको चरित्रले भगवान शिवको ढोकामा छोरालाई न्याय पाउने कुरा गर्छन् । यसैबीच अक्षय कुमारको इन्ट्री हुन्छ । ट्रेलरबाट बुझिएअनुसार अक्षय यस पटक शिवको अवतारमा देखिएका छन् । उनको पहिरन भगवान शंकरको जस्तो देखाइएको छ ।

तर, पूरै ट्रेलरमा कतै पनि उनलाई शिवको अवतार भनिएको छैन । उनको भूमिका भगवान शिवको अवतारबाट मात्र प्रभावित भएको देखिन्छ । उनको चरित्रलाई लिएर सेन्सर बोर्डले आपत्ति जनाएको थियो ।

फिल्ममा यामी गौतमको पनि महत्वपूर्ण भूमिका छ । ट्रेलरमा उनी वकिलको भूमिकामा देखिएकी छन् । ट्रेलर हेरेर फिल्ममा यामीको नेगेटिभ शेड रहेको अनुमान गर्न सकिन्छ । उनी पंकज त्रिपाठीविरुद्ध मुद्दा लडेकी छिन् ।

चलचित्र अगस्ट ११ मा रिलिज हुने तय भएपनि सेन्सर बोर्डले चलचित्रमा धेरै परिवर्तन गर्न सुझाव दिएको छ । सेन्सर बोर्डले युए सर्टिफिकेट दिएर ट्रेलरलाई हरियो संकेत दिएको थियो तर फिल्मको बारेमा अन्योल छ । जसका कारण फिल्मको रिलिज स्थगित हुनसक्ने बताइएको छ ।

यो फिल्म २०१२ मा रिलिज परेश रावल र अक्षय कुमार स्टारर ओएमजी (ओ माई गड) को सिक्वेल हो । उक्त फिल्ममा अक्षयले श्रीकृष्णको भूमिका निभाएका थिए ।