काठमाडौँ । प्रहरीले कुटपिट गरी सामाजिक सञ्जालमा भिडियो राख्ने तीन जनालाई पक्राउ गरेको छ ।
गत शुक्रबार सुनसरीको बराहक्षेत्र नगरपालिका वडा नं ९ स्थित राजाबास चिहान डाँडाको कोशी किनारमा कुटपिट गरी भिडियोसमेत बनाई सामाजिक सञ्जालमा उक्त भिडियो राख्ने पाँच जना मध्ये ३ जनालाई पक्राउ गरेको हो ।
प्रहरीका अनुसार १९ वर्षीय प्रिति लिम्बुलाई सोही दिन महेन्द्रनगरबाट पक्राउ गरिएको थियो । लिम्बुमाथि अभद्र व्यवहार मुद्दा अन्तर्गत पाँच दिन म्याद थप गरी अनुसन्धान प्रक्रिया अगाडि बढाईएको छ ।
उक्त घटनामा संलग्न प्रतीवादीहरु लुकिछिपी बसिरहेको अवस्थामा सैनिकटोल बस्ने १८ वर्षीय दुर्गा राई र २२ वर्षीय बिनिता उराँउलाई इप्रका महेन्द्रनगरबाट खटिएको टोलीले सुनसरीको ईटहरी बजारबाट पक्राउ गरेको हो । फरार रहेका थप २ जनाको खोजी कार्य भईरहेको प्रहरीले जनाएको छ ।
