काठमाडौं । राप्रपा नेपालका अध्यक्ष कमल थापाले प्रधानमन्त्री पुष्पकमल दाहाल प्रचण्डको पछिल्लो अभिव्यक्ति आत्मसमर्पणबादको ज्वलन्त उदाहरण भएको बताएका छन् ।
थापाले प्रितम सिंहबारे प्रधानमन्त्री प्रचण्डको भनाईप्रति कटाक्ष गर्दै सामाजिक सन्जाल ट्विटर मार्फत प्रधानमन्त्रीको भनाईले सिङ्गो राजनीतिक क्षेत्र लज्जित भएको भन्दै उनले २०६३ पछिको धरातलिय यथार्थ समेत यहि भएको भन्दै दु: ख ब्यक्त गरेका छन् ।
उनले गरेको ट्विट यस्तो रहेको छ : ‘प्रितम सिंहबारे प्रचण्ड स: मलाई प्रधानमन्त्री बनाउन धेरैचोटि दिल्ली जानुभयो’ प्रम प्रचण्डको यस भनाईले सिंङ्गो राजनीतिक क्षेत्र लज्जित भएको छ।तर,दु:ख को कुरा के हो भने,यो भनाई २०६३ पछिको धरातलीय यथार्थ हो। आत्मसमर्पणवादको ज्वलन्त उदाहरण हो।
