काठमाडौं । काठमाडौंको नक्साल स्थित लिसरा रिसेप्सेन पार्टी प्यालेस बिबाह समारोह हुदै गर्दा बेहुला पक्राउ परेका छन् ।
अमेरिकाको ग्रिन कार्ड भएका सुनसरी जिल्ला दुहवी नगरपालिका वडा नं. ६ स्थाई घरभई हाल काठमाडौ महानगरपालीका वडा नं. १३ ताहाचल बस्ने वर्ष ३२ को अनुराग रौनियार पक्राउ परेका हुन् ।
उनले आफुहरुले मागेजति दाईजो प्राप्त नभएको र जन्तीलाई राम्रो स्वागत समेत नभएको भनि बिबाह नगर्ने अडान राखेको र बेहुलीलाई समेत हातपात गरे पछि प्रहरीले उनलाई पक्राउ गरेको हो । प्रहरीका अनुसार बेहला रौनियारले बिबाह गर्ने भए ५०,००,०००।– (पचास लाख रुपैयाँ) दिनु पर्ने माग समेत गरेका थिए ।
यस अघि पनि रौनियारले बिवाह खर्च वापत पटक पटक गरी रु २२,००,०००।– (बाईस लाख रुपैयाँ) लगेको प्रहरीको बिज्ञप्तिमा उल्लेख छ । प्रहरीका अनुसार पक्राउ परेको रौनियार उपर बिवाह सम्बन्धी कसूर मुद्दामा काठमाण्डौ जिल्ला अदालतबाट ५ दिनको म्यादथप अनुमति लिई थप अनुसन्धान भई रहेको छ ।
