हेटौंडा । प्रदेश खेलकुद विकास परिषद् बागमती प्रदेशको आयोजनामा भएको दोस्रो बागमती प्रदेश खेलकुद प्रतियोगिताको पुरुष फुटबल अन्तरगत नुवाकोट जिल्लाले विजयी सुरुवात गरेको छ ।
आज हेटौंडाको क्याम्पा रंगशालामा नुवाकोट र सिन्धुपाल्चोकबीच भएको खेलमा ३–१ गोल अन्तरले सिन्धुपाल्चोकलाई पराजित गर्दै नुवाकोट जिल्लाले आफ्नो विजयी सुरुवात गरेको हो ।
नुवाकोटलाई अजय वाइबा,सन्तोष थापा,आकाश राना मगरले एकएक गरेका थिए र सिन्धुपाल्चोकको दीपक लामाले लागि एकमात्र सान्त्वना गोल गरे । खेलमा उत्कृष्ट प्रर्दशन गर्दै गोल गरेका नुवाकोट जिल्लाका सन्तोष थापा म्यानअफ द म्याच घोषित भए । आज दुईवटा खेल हुनेछन् । पहिलो खेल ललितपुर र सिन्धुलीबीच हुनेछ भने दोस्रो खेल मकवानपुर र रामेछापबीच प्रतिस्पर्धा हुने फुटबल खेल संयोजक कल्पना शर्माले बताउनुभयो ।
प्रतियोगितामा कुल १३ जिल्लाको सहभागिता रहेको फुटबल खेल संयोजक कल्पना शर्माले बताउनुभयो । पुरुष फुटबल प्रतियोगिताको प्रत्यक्ष प्रशारण हेटौडा स्पोर्टस् ड टकमले गरिरहेको छ । प्रत्यक्ष प्रशारण फेसबुक पेज र युट्युबबाट हेर्न सकिनेछ ।
