२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

बुलेट प्रुफ कारमा उच्च सुरक्षाका साथ मुम्बई एयरपोर्ट पुगे सलमान



अ+ अ-

एजेन्सी । बलिउड अभिनेता सलमान खान मुम्बईको कलिना एयरपोर्टमा देखिएका छन् । अभिनेता दबंग टुरका लागि कोलकाता प्रस्थान गरेका छन्, जसको भिडियो सामाजिक सञ्जालमा सार्वजनिक भएको छ ।

भिडियोमा भाइजान कालो टी–सर्ट–डेनिम जिन्समा निकै सुन्दर देखिएका छन् । यस क्रममा उनीसँगै मनिष पल पनि देखिएका थिए ।

केही दिनयता सलमान खानलाई ज्यान मार्ने धम्की आइरहेको छ । जसका कारण धेरै सुरक्षाको बीचमा अभिनेता बुलेट प्रुफ कारमा एयरपोर्ट पुगेका थिए । यस क्रममा भाइजानले पापाराजीलाई हात हल्लाए ।

सलमान खान आज कोलकाताको ईस्ट बंगाल फुटबल क्लबको मैदानमा ‘दबंग द टुर रिलोडेड’ नामक कार्यक्रममा सहभागी हुनेछन्, जहाँ उनले लाइभ शो गर्नेछन् । कलाकारको यो शो साँझ सवा ६ बजेदेखि सुरु हुनेछ । मिडिया रिपोर्टका अनुसार यसअघि सलमानले मुख्यमन्त्री ममता बनर्जीसँग कालीघाटको घरमा भेट गर्नेछन् । उनले मुख्यमन्त्रीलाई भेट्न समय मागेका थिए ।

दबंग टुर पहिले नै हुनुपर्ने थियो । यद्यपि यसको कारण भने खुल्न सकेको छैन तर सलमानको सुरक्षाका कारण कार्यक्रम स्थगित भएको अनुमान गरिएको छ ।

सलमान खान हालै पारिवारिक ड्रामा ‘किसी का भाइ किसीकी जान’मा देखिएका थिए । फरहाद सामजीले निर्देशन गरेको यस फिल्ममा पूजा हेगडे, शहनाज गिल, पलक तिवारी र वेंकटेश दग्गुबातीको मुख्य भूमिका रहेको छ । यद्यपि यो मल्टिस्टार फिल्मले बक्स अफिसमा खासै कमाई गर्न सकेन ।

अब सलमान छिट्टै एक्सन फिल्म ‘टाइगर ३’ मा देखिनेछन् । फिल्ममा कट्रिना कैफ र इमरान हाश्मीको पनि महत्वपूर्ण भूमिका रहनेछ । मनेश शर्माले निर्देशन गरेको यो फिल्म नोभेम्बर २०२३ मा रिलिज हुने तय भएको छ ।