काठमाडौँ । प्रमुख प्रतिपक्ष दल नेकपा एमालेले संसदीय दलको बैठक बसिरहेको छ ।
संसद् भवनको ल्होत्से हलमा जारी बैठकमा संसदीय दलका नेता केपी शर्मा ओलीले सांसदहरुलाई प्रभावकारी भूमिका खेल्न निर्देशन दिएका छन् ।
संसदीय गतिविधिहरुको कामलाई प्राथमिकता दिएर अघि बढ्न ओलीले पार्टीका सांसदहरुलाई सचेत गराएका हुन् ।
संघीय संसद्को बजेट अधिवेशन आजदेखि सुरु हुँदैछ । संसद सचिवालयका अनुसार नयाँ बानेश्वरस्थित संघीय संसद् भवनमा संसद्का दुवै सदनको बैठक अपराह्न ४ बजे बस्ने गरी बोलाइएको छ । बजेट अधिवेशनमा सरकारको नीति तथा कार्यक्रम र बजेट प्रस्तुत हुनेछ ।
