काठमाडौँ । नेपाली टोलीका लेग स्पिनर सन्दीप लामिछानेले एकदिवसीय क्रिकेटमा सर्वाधिक छिटो १०० विकेट लिने खेलाडीको कीर्तिमान बनाएका छन् ।
एसीसी प्रिमियर कप अन्तर्गत ओमानविरुद्धको खेलमा विकेट लिँदै सन्दीपले उक्त कीर्तिमान बनाएका हुन् । सन्दीपले ४२ खेलमा सय विकेटको लक्ष्य भेटाए ।
उनले अफगानिस्तानका बलर रासिद खानको ४४ खेलमा बनाएको सर्वाधिक छिटो विकेटको कीर्तिमान तोडेका हुन् ।
सबैभन्दा छिटो ओडीआईमा सय विकेट पूरा गर्ने खेलाडीको पहिलो नम्बरमा रासिद खान थिए । अब, सन्दीप पहिलो स्थानमा रहँदा रासिद खान दोस्रोमा झरेका छन् ।
यस्तै, अस्ट्रेलियाका मिचेल स्टार्क रहेका तेस्रो स्थानमा रहेका छन् । स्टार्कले ५२ खेलमा सय विकेट लिएका थिए ।
