एजेन्सी । इन्डियन प्रिमियर लिग (आईपीएल)अन्तर्गत लिग चरणको २० औं खेलमा आज मंगलबार मुम्बई इन्डियन्स (एमआई) र सनराइजर्स हैदरावाद (एसआरएच)बीच प्रतिस्पर्धा हुँदैछ । खेल बेलुका ७ः४५ बजेदेखि हैदरावादको राजीव गान्धी अन्तर्राष्ट्रिय रंगशालामा सुरु हुनेछ ।
लिगको सबैभन्दा सफल टोली (५ पटकको च्याम्पियन) एमआईको सिजनको सुरुवात राम्रो रहेन । मुम्बई पहिलो खेलमा बैंगलोर र दोस्रो खेलमा चेन्नईसँग पराजित भएको थियो । त्यसपछि भने मुम्बईले दिल्ली र कोलकातालाई हरायो । मुम्बईको यो पाँचौं खेल हो ।
हैदरावादविरुद्धको टोलीका ४ विदेशी खेलाडीमा क्यामरुन ग्रीन, टिम डेभिड, जेसन बेहरेनडर्फ र रिले मेरिडिथ हुन सक्छन् । यसका अलावा सूर्यकुमार यादव, इशान किशन र तिलक वर्मा लगायतले टोलीलाई बलियो बनाइरहेका छन् ।
यसअघिका दुवै खेल जितेको हैदरावादले अब जितको ह्याट्रिक पूरा गर्ने लक्ष्य लिएको छ ।
मुम्बईविरुद्धको टोलीका ४ विदेशी खेलाडी एडेन मार्कराम, ह्यारी ब्रुक, हेनरिक क्लासेन र मार्को जेन्सेन हुन सक्छन् । यसका अलावा राहुल त्रिपाठी, उमरान मलिक र भुवनेश्वर कुमार लगायतले टोलीलाई बलियो बनाइरहेका छन् ।
मुम्बई इन्डियन्स र सनराइजर्स हैदरावादबीचको यो खेल अझ रोमाञ्चक हुने भएको छ । आईपीएलको अहिलेसम्मको इतिहासमा यी दुईबीचको भिडन्त रोचक छ । दुवै टोलीले हालसम्म १९ खेल खेलेका छन् । जसमध्ये मुम्बईले १० र हैदरावादले ९ खेल जितेको छ ।
खेलको दिन हैदराबादको मौसम निकै तातो हुनेछ। हैदराबादमा मंगलबारको तापक्रम २६ देखि ४० डिग्री सेल्सियसको बीचमा रहनेछ ।
दुबै टिमका सम्भावित सुरुवाती–११
मुम्बई इन्डियन्सः रोहित शर्मा (कप्तान), इशान किशन (विकेटकीपर), क्यामरन ग्रीन, सूर्यकुमार यादव, तिलक वर्मा, टिम डेभिड, नेहल वाधेरा, जेसन बेहरेनडोर्फ, ऋतिक शोकीन, पियुष चावला, र रिले मेरिडिथ ।
सनराइजर्स हैदरावादः एडेन मार्कराम (कप्तान), मयंक अग्रवाल, ह्यारी ब्रुक, राहुल त्रिपाठी, अभिषेक शर्मा, हेनरिक क्लासेन (विकेटकिपर), मार्को जेनसेन, भुवनेश्वर कुमार, मयंक मार्कंडे, उमरान मलिक र थांगारासु नटराजन ।
