२० चैत्र २०८१, बिहीबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

न्युजिल्याण्डका कमेन्टेटरले कोहलीमाथि आरोप लगाउँदै भने – उनलाई रेकर्डको मात्रै चिन्ता छ



अ+ अ-

एजेन्सी । १६ औं संस्करणको इन्डियन प्रिमियर लिग (आईपीएल)को १५ औं खेलमा रोयल च्यालेन्जर्स बैंग्लोर (आरसीबी) लखनउ सुपर जाइन्ट्ससँग पराजित भयो । तीन खेलमा आरसीबीको यो दोस्रो हार हो । पछिल्लो खेलमा उसले कोलकाता नाइट राइडर्ससँग पराजय ब्यहोरेको थियो । आरसीबीले मुम्बई इन्डियन्सविरुद्धको एक मात्र जित हात पारेको छ । दिग्गज ब्याट्सम्यान विराट कोहलीले लखनउविरुद्ध अर्धशतक प्रहार गरे पनि उनको टोलीले जित हात पार्न सकेन ।

म्याचको क्रममा कमेन्री गरिरहेका न्युजिल्याण्डका पूर्व खेलाडी तथा कमेन्टेटर साइमन डोलले विराटमाथि ठूलो आरोप लगाए । उनले कोहलीलाई आफ्नो रेकर्डको मात्रै ख्याल रहेको बताए । सिमोन डुलले कोहलीको अर्धशतकलाई उद्धृत गरे । विराटले एक पटक २५ बलमा ४२ रन बनाएका थिए । यसपछि उनले अर्को आठ रनका लागि १० बल लिए । आरसीबीका पूर्व कप्तानले ३५ बलमा अर्धशतक प्रहार गरे ।

साइमन डोलले के भने ?
यसबारे टिप्पणी गर्दै साइमन डोलले भने, ‘कोहलीले द्रुत गतिको रेल जस्तै सुरुवात गरे । उनी तीव्र गतिमा प्रहार गर्दै थिए । हथौडा चलाएको जस्तो लाग्थ्यो । तर, उनलाई ४२ बाट ५०) रनमा पुग्न १० बल लिए । उनी आफ्नो कीर्तिमानलाई लिएर चिन्तित थिए । मलाई लाग्दैन कि यस खेलमा यसबारे सोंच्नुपर्छ । विशेष गरी जब तपाईंसँग धेरै विकेटहरू बाँकी छन् तब तपाईंले रन बनाउन जारी राख्नुपर्छ ।’

पहिले ब्याटिङ गरेको आरसीबीले दुई विकेट गुमाएर २१२ रन बनाएको थियो । जवाफमा लखनउले अन्तिम बलमा नौ विकेट गुमाएर २१३ रन बनाएको थियो । लखनउले एक विकेटले खेल जित्यो । यो जितसँगै लखनउले चार खेलबाट ६ अंक जोड्दै अंक तालिकाको शीर्ष स्थानमा पुगेको छ ।

यस खेलमा आरसीबीका लागि विराट कोहलीले ४४ बलमा ६१, ग्लेन म्याक्सवेलले २९ बलमा ५९ र कप्तान फाफ डुप्लेसिसले ४६ बलमा अविजित ७९ रन बनाएका थिए । लखनउका लागि मार्कस स्टोइनिसले ३० बलमा ६५ र निकोलस पूरनले १९ बलमा ६२ रन जोडे ।