एजेन्सी । १६ औं संस्करणको इन्डियन प्रिमियर लिग (आईपीएल) अन्तर्गत चेन्नई सुपर किंग्सले मुम्बई इन्डियन्सलाई पराजित गरेको छ ।
शनिबार राति भएको खेलमा चेन्नईले लिगको १००० औं खेलमा ५ पटकको च्याम्पियन मुम्बई इन्डियन्सलाई ७ विकेटले पराजित गरेको हो । पहिलो इनिङ्समा रविन्द्र जडेजाले ३ विकेट लिए भने अजिंक्य रहाणेले १९ बलमा प्रतियोगिताको सबैभन्दा छिटो अर्धशतक बनाएका थिए । दुवै सिएसकेको जितका नायक थिए ।
चेन्नईले ५ वर्षपछि घरेलु मैदानमा मुम्बईलाई हराएको हो । यो जितसँगै चेन्नई अंक तालिकाको चौथो स्थानमा पुगेको छ । वानखेडे स्टेडियममा टस हारेर पहिले ब्याटिङ गरेको मुम्बईले २० ओभरमा ८ विकेट गुमाएर १५७ रन बनाएको थियो । जवाफमा चेन्नईले १८.१ ओभरमा ३ विकेटको क्षतिमा लक्ष्य पुरा गर्यो ।
चेन्नईका कप्तान महेन्द्र सिंह धोनीले टस जितेर बलिङ रोजेपनि मुम्बईले राम्रो सुरुवात गरेको थियो । टोलीले बिना कुनै क्षति ३८ रन बनाएको थियो । रोहितको कप्तानीमा रहेको मुम्बईले ओपनर ६७ रनमा आउट भएपछि लगातार विकेट गुमाउन थाल्यो । मध्यक्रममा कुनै पनि ब्याट्सम्यानले ठूलो स्कोर बनाउन सकेनन् । तर, टिम डेभिडले २१ बलमा ३१ रन बनाएर खेलको स्कोर १५० पुगेको थियो ।
१५७ रनको मध्यम स्कोरको रक्षा गर्दा मुम्बईका बलरहरूले प्रभाव पार्न सकेनन् । पहिलो ओभरमा चेन्नईलाई जेसन बेहरेनडोर्फले स्तब्ध बनाएका थिए तर पछि रहाणे र गायकवाडले दोस्रो विकेटका लागि ८२ रनको साझेदारी गरे । यो साझेदारीपछि खेल चेन्नईको पक्षमा आयो । सिएसकेका लागि शिवम दुबेले २८ र अजिंक्य रहाणेले ६१ रन बनाए । डेभन कोनवे शून्य रनमा आउट भए । मुम्बईका पियुष चावला, कुमार कार्तिकेय र जेसन बेहरेनडर्फले पनि एक एक विकेट लिए ।
चेन्नई सुपर किंग्सबाट डेब्यु गरेका अजिंक्य रहाणे मुम्बईविरुद्ध नम्बर ३ मा ब्याटिङ गर्न आएका छन् । उनले यो अवसरको सदुपयोग गर्दै १९ बलमा अर्धशतक पूरा गरे । यो आईपीएल सिजनको सबैभन्दा छिटो अर्धशतक हो । उनले कोलकाताका शार्दुल ठाकुर र राजस्थानका जोस बटलरलाई पछि पारे । दुवैले २० बलमा अर्धशतक बनाएका थिए । रहाणेले दोस्रो विकेटका लागि गायकवाडसँग ४४ बलमा ८२ रनको साझेदारी गरे ।
१५८ रनको लक्ष्य पछ्याएको चेन्नईलाई पहिलो ओभरमा नै डेभन कोनवेको रूपमा झटका लाग्यो । उनी खाता नखोल्दै जेसन बेहरेन्डर्फले उनलाई बोल्ड गरेका थिए । त्यसपछि आएका अजिंक्य रहाणेले पावरप्लेमा नै अर्धशतक पूरा गरे । उनले ऋतुराज गायकवाडसँग मिलेर ६ ओभरमा टोलीको स्कोर ६८ रनमा पुर्याएका थिए ।
मुम्बईको वानखेडे स्टेडियममा टस हारेर ब्याटिङ गरेको टोलीले २० ओभरमा ८ विकेट गुमाएर १५७ रन बनाएको थियो । ओपनर इशान किशनले २१ बलमा ३२ रनको संघर्षपूर्ण इनिङ्स खेले भने टिम डेभिडले २२ बलमा ३१ रन बनाए । तिलक वर्माले २२ रनको योगदान दिए । बाँकी ब्याट्सम्यानले राम्रो प्रदर्शन गर्न सकेनन् ।
चेन्नईका लागि रविन्द्र जडेजाले ३ विकेट लिए । मिचेल सान्टनर र तुषार देशपाण्डेले २–२ विकेट लिए ।
