२१ चैत्र २०८१, शुक्रबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

अल नेपाल बक्सिङ: पहिलो दिनमा २५ खेल सम्पन्न



फाईल फोटो
अ+ अ-

हेटौंडा । अल नेपाल नोभिस बक्सिङ प्रतियोगिताअन्तर्गत पहिलो दिन मंगलबार २५ खेल भएका छन् । हेटौंडा–४, पारिजातपथस्थित बहुउद्देश्यीय कभर्ड हलमा पहिलो दिन ५७ केजी तौल समूहमा विपिन बुढाथोकीले बर्षात् राईलाई नकआउट गरे भने ६३.५ केजी तौल समूहमा अछामका तपेन्द्र बिक र ५७ केजी तौल समूहका निर्मल रिजालले प्रतिस्पर्धीको अनुपस्थितिका कारण स्वत: विजय हासिल गरे ।

प्रतियोगिताकै पहिलो खेलमा ५४ केजी तौल समूहमा अछामका नीरसिंह बुढाले दमकका दीपक बिकलाई पराजित गर्दा ५४ केजी तौल समूहमै दाङका विवेक देवकोटाले रोल्पाका बासुदेव केसीलाई पराजित गरे । ५४ केजी तौलसमूहमा कास्कीका सरोज राना मगरले काठमाडौंका फुरग्याल्बु ज्याबा ह्योल्मुलाई पराजित गरे । ५४ केजी तौलसमूहमा जीवन महराले बाँकेका रोहित बर्मालाई पराजित गरे ।

मंगलबार ४७ केजी तौलसमूहमा ४ खेल भए । मंगलबार ५७ केजी तौल समूहमा ८ खेल भए । जीवन चन्दले दाङका जीवन परियारलाई पराजित गर्दा आयुष श्रेष्ठले कास्कीका समीर थापालाई पराजित गरे । यस्तै निर्मल रिजालसँग चितवनका सागर गुरुङ खेल्न अनुपस्थित भएपछि निर्मल विजयी भए भने सुजन भुजेलले सुवोधमान सिंह बस्नेतलाई पराजित गरे ।

यस्तै बक्समाण्डुका आयुष थापाले मानसोव बस्नेतलाई पराजित गरे । मकवानपुरका अभिषेक राना मगरले भूमिकर्ण भण्डारीलाई पराजित गरे भने दमकका योयल राईले भानुभक्त ओलीलाई पराजित गरे । ६३.५ केजी तौल समूहमा नक्सालका प्रज्वल श्रेष्ठले आशिष गुरुङलाई पराजित गर्दा अछामका तपेन्द्र बिकले अभिशेषक श्रेष्ठलाई पराजित गरे ।

४८ केजी तौलसमूहमा मंगलबार ५ खेल भए । ४८ केजी तौल समूहमा ललितपुरका प्रकाश कठायतले अछामका भरतप्रसाद अधिकारीलाई पराजित गर्दा मकवानपुरका श्रीजेष श्रेष्ठ विशेष बुढा मगरसँग पराजित भए । अप्रिल रानाले प्रदीप चौधरीलाई, सञ्जय लामाले सुमन चौधरीलाई, मानव लामाले लजन बिष्टलाई पराजित गरेको छ । ५१ केजी तौल समूहमा टीकाराम ऐडीले सम्राट थापालाई पराजित गरे भने रविन लिम्बुले रोकी गुरुङलाई पराजित गरेको छ ।

यस्तै असिम धमलाले अजय पुन मगरलाई पराजित गर्दा प्रवल उप्रेतीले दीपक रोकायालाई पराजित गरेको छ । शिभु सुनारले सुनाम खत्रीलाई पराजित गर्दा पहिलो दिनको अन्तिम खेलमा निराजन चौधरीले अजय स्याङ्तानलाई पराजित गरेको छ । प्रतियोगिताअन्तर्गत दोस्रो दिन आज बुधबार दिउँसो १२ बजेदेखि ३४ वटा खेल हुनेछ ।