२२ चैत्र २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

नवनिर्वाचित राष्ट्रपति पौडेलद्वारा शपथ ग्रहण – फोटो फिचर



अ+ अ-

नवनिर्वाचित राष्ट्रपति रामचन्द्र पौडेलले सोमबार पद तथा गोनीयताको शपथ लिनुभएको छ ।

राष्ट्रपति कार्यालय शीतल निवासमा आयोजित विशेष समारोहबीच सोमबार दिउँसो १ बजे कायममुकायम प्रधानन्यायाधीश हरिकृष्ण कार्कीले पौडेललाई शपथ गराउनुभयो ।

नेपाली सेनाको एक टुकडीले नयाँ राष्ट्रपतिको सम्मानमा सम्मान गारद पेश अर्पण थियो। साथै, सैनिक मञ्च टुडिखेलबाट नेपाली सेनाले नवनिर्वाचित राष्ट्रपति पौडेललाई २१ तोपको सलामी अर्पण गरेको थियो ।

शपथ समारोहमा निवर्तमान राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री पुष्पकमल दाहाल प्रचण्ड, प्रतिनिधिसभाका सभामुख देवराज घिमिरे, राष्ट्रियसभाका अध्यक्ष गणेशप्रसाद तिमिल्सिना, प्रदेशसभाका सभामुखहरु, संवैधानिक निकायका प्रमुखहरु, पूर्वप्रधानमन्त्रीहरु, राजनीतिक दलका नेता तथा सांसदहरू एवं नेपाल सरकारका उच्चपदस्थ अधिकारीहरु उपस्थित हुनुहुन्थ्यो ।

नयाँ राष्ट्रपतिलाई प्रधानमन्त्री प्रचण्डलगायत संवैधानिक निकायका प्रमुख, मन्त्रीहरु र विशिष्ट पाहुनाहरुले बधाई तथा शुभकामना दिनुभएको थियो ।

निवर्तमान राष्ट्रपति भण्डारीलाई बिदाइ सम्मानस्वरुप प्रधानमन्त्री प्रचण्डले उपहार प्रदान गर्नुभएको थियो । निवर्तमान राष्ट्रपति भण्डारी शीतल निवासबाट विदाइ हुँदै गर्दा सेनाले उहाँको सम्मानमा विदाइ सलामी अर्पण गरेको थियो भने सैनिक मञ्च टुँडीखेलमा सेनाले २१ तोपको विदाइ सलामी अर्पण गरेको थियो ।

यही फागुन २५ गते बिहीबार भएको निर्वाचनमा नेकपा (एमाले) का उम्मेदवार सुवासचन्द्र नेम्वाङलाई पराजित गर्दै पौडेल राष्ट्रपतिमा निर्वाचित हुनुभएको थियो ।

फोटो – प्रदिपराज वन्त