काठमाडौं । सहिद स्मारक ए डिभिजन लिग फुटबल अन्तरगत संकटा फुटबल क्लब र विभागीय टोली त्रिभुवन आर्मी क्लबले बराबरी खेलेका छन् ।
आइतबार दिउँसो दशरथ रंगशालामा भएको खेलमा दुबै टोलिले गोलरहित बराबरी खेल्दै अंक बाडेका हुन् । खेलमा दुबै टिमबाट गोलको प्रयास भएपनि सफल हुन भने सकेन ।
यसपटक लिगको विजेतालाई ७५ लाख, उपविजेतालाई ५० लाख र तेस्रो हुनेलाई २५ लाख रुपियाँ पुरस्कार प्रदान गरिने एन्फाले जनाएको छ । फेयर प्ले टोलीले ३ लाख पाउने छ ।
यस्तै, मोस्ट भ्यालुएबल खेलाडीले ३ लाख, सर्वाधिक गोलकर्ता र सर्वोत्कृष्ट गोलकिपरले २ लाख र इमर्जिङ प्लेयरले १ लाख ५० हजार रुपैयाँ पाउनेछन् ।
