एजेन्सी । पाकिस्तानका चर्चित क्रिकेटर मोहम्मद रिजवानले नेपाली क्रिकेटर सन्दीप लामिछानेसँग भेट गरेका छन् । पाकिस्तानदेखि काठमाडौं आएर रिजवानले नेपाली राष्ट्रिय टिमका सदस्य लामिछानेलाई भेटेका हुन् ।
स्रोतका अनुसार उनले सोमबार लामिछानेलाई भेट गर्दै मानसिक रुपमा बलियो हुन भनेका छन् । रिजवानले आइतबार साँझ नेपाल क्रिकेट संघ (क्यान) का अध्यक्ष चतुरबहादुर चन्दसँग पनि भेट गरेका थिए ।
बलात्कार आरोप लागेर पुर्पक्षका लागि थुनामा समेत पुगेर धरौटीमा रिहाँ हुँदै टिममा फर्किका लामिछानेलाई हौसला तथा मानसिक रुपमा बलियो हुनका लागि आत्मविश्वास बढाउने उदेश्यले उनी काठमाडौं आएको स्रोतको भनाइ छ ।
विश्वका थुप्रै लिगहरु खेलेका लामिछाने र रिजवानको पाकिस्तानको लिग खेल्दा राम्रो सम्बन्ध थियो । रिजवान टि–२० क्रिकेटको विश्व बरियताको दोस्रो नम्बरका ब्याट्सम्यान हुन् । उनी सोमबारै स्वदेश फिर्ता भएका छन् ।
