काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले उपनिर्वाचनबाट निर्वाचित नभई आफू कुनै पदमा नजाने बताएका छन् ।
लामिछानेले जारी पत्रकार सम्मेलनमा यस्तो बताएका हुन् । आफूले प्रधानमन्त्रीसँग भौतिक पूर्वाधार मन्त्रालयमा सहमति जनाएको भन्दै मिडियामा आएका समाचार सत्य नभएको प्रस्ट पार्दै उनले आफू त्यसरी कुनै पदमा नजाने बताए ।
लामिछानेको सांसद पद कायम नरहेपछि उनी निर्वाचित भएको चितवन–२ रिक्त छ ।
लामिछाने नेतृत्वको रास्वपाले सरकारलाई दिएको समर्थन कायम राख्दै सरकारबाट बाहिरिने निर्णय लिएको छ ।
