काठमाडौं । पूर्व कप्तान सन्दीप लामिछानेलाई नेपाली क्रिकेट टोलीको बन्द प्रशिक्षणमा बोलाईएको छ । सन्दीपलाई बिहीबारबाट प्रशिक्षणको लागि बोलाइएएको प्रमुख छनोटकर्ता दीपेन्द्र चौधरीले बताए ।
नेपालले दुई सातापछि आइसिसी विश्वकप लिग–२ को त्रिकोणात्मक सिरिज घरेलु मैदानमा स्कटल्यान्ड र नामिबियासँग खेल्दैछ। सोही सिरिजका लागि नेपाली टोलीको बन्द प्रशिक्षण भईरहेको छ । सिरिजका लागि २८ सदस्यीय प्रारम्भिक टोली घोषणा भईसकेको छ ।
नेपाल क्रिकेट संघ (क्यान) ले सन्दीपमाथिको निलम्बन फुकुवा गरेपछि उनलाई पनि प्रशिक्षणमा बोलाइएको हो । सन्दीपले बुधबार नेपाली क्रिकेट टोलीका मुख्य प्रशिक्षक मोन्टी देशाईसँग भेट गरेका थिए ।
बलात्कारको आरोप खेपिरहेका सन्दीपलाई क्यानले गत भदौ २३ गते राष्ट्रिय टोलीबाट निलम्बन गरेको थियो ।
