काठमाडौं । नेपाली कांग्रेसले राष्ट्रियसभा उपाध्यक्षमा उम्मेदवारी दिने भएको छ ।
पार्टिका सभापति शेरबहादुर देउवा निवास धुम्बाराहीमा बिहीबार बसेको संसदीय दल कार्यसमितिको बैठकले माघ २३ गते हुने उपाध्यक्षको चुनावमा उम्मेदवारी दिने निर्णय गरेको हो ।
प्रमुख सचेतक रमेश लेखकले उपाध्यक्षमा उम्मेदवार दिने र अन्य दलसँग पनि छलफल गरेर अघि बढ्ने निर्णय भएको बताए । यस्तै, राष्ट्रपतिमा प्रधानमन्त्रीले राष्ट्रिय सहमति गर्ने कुरा बताइसकेकाले कांग्रेस प्रधानमन्त्रीको भनाइप्रति विश्वस्त रहेको उनले बताए ।
लेखकले प्रधानमन्त्रीबाट आउने प्रस्तावका आधारमा कांग्रेसले थप निर्णय गर्ने समेत बताए । कांग्रेसले माघ २६ गते संसदीय दलको बैठक बोलाउने निर्णय गरेको उनले बताए ।
