एजेन्सी । बलिउडका ‘किंग खान’ शाहरुख खान अभिनित फिल्म ‘पठान’ले यतिबेला चर्चा बटुलिरहेको छ । फिल्म २५ जनवरी अर्थात यही बुधबार रिलिज हुँदैछ यसैबीच शाहरुखले आफ्नो सामाजिक सञ्जाल अकाउन्टमा मन्नत बाहिर जम्मा भएका फ्यानहरूको भिडियो सेयर गरेका छन् ।
यो भिडियोमा उनले बाल्कनीमा आएर फ्यानलाई अभिवादन गर्दै पठानलाई हेर्न अपिल गरेका छन् ।
मन्नत घरबाट निस्किएपछि शाहरुखले फ्यानका लागि आफ्नो आइकोनिक पोज पनि दिएका छन् । भिडियो सेयर गर्दै किङ खानले क्याप्सनमा लेखेका छन्, ‘यति राम्रो आइतबार साँझको लागि सबैलाई धन्यवाद । पठानलाई हेर्नको लागि टिकट बुक गर्नुहोस् र अब म तपाईंलाई त्यहाँ भेट्नेछु ।’
भिडियोमा हजारौँ फ्यानहरु शाहरुख खानको एक झलक पाउनको लागि कराउँदै गरेको देखिन्छ । शाहरुख खान ४ वर्षको अन्तरालपछि पठानबाट ठूलो पर्दामा कमब्याक गर्दैछन् । फिल्ममा किंग खानका अलावा जोन अब्राहम र दीपिका पादुकोण पनि महत्वपूर्ण भूमिकामा देखिनेछन् ।
चलचित्रको ट्रेलर पनि सार्वजनिक भएको छ । एक्शन थ्रिलर फिल्म ‘पठान’को कुरा गर्दा शाहरुख खान एकदमै नयाँ एक्शन अवतारमा देखिएका छन् । चलचित्रको अग्रिम टिकट बुकिङको चर्चा चलिरहेको छ । रिलिज हुनुअघि नै फिल्मले रेकर्ड ब्रेकिङ टिकट बुक गरिसकेको छ ।
