काठमाडौँ । मंगलबार लिने भनिएको विश्वासको मतको विषयमा छलफल गर्न नेकपा (माओवादी केन्द्र) को सिंहदरबारस्थित संसदीय दलको कार्यालयमा बैठक बसिरहेको छ ।
आज दिउँसो १ बजे बोलाइएको संसद्को बैठक अगावै अगावै पार्टी अध्यक्ष तथा प्रधानमन्त्री पुष्पकमल दाहाल प्रचण्डले विश्वासको मतबारे पार्टीका सांसदहरूसँग छलफल गर्न बैठक बोलाउनुभएको बताइएको छ ।
प्रधानमन्त्री प्रचण्डले मंगलबार प्रतिनिधिसभामा विश्वासको मतका लागि प्रस्ताव पेस गर्दै हुनुहुन्छ । उहाँको नेतृत्वको सरकारलाई विश्वासको मत दिन आइतबार बसेको सत्ता साझेदार दलको बैठकले प्रतिनिधिसभा प्रतिनिधित्व गर्ने सबै राजनीतिक दलहरुलाई आह्वान गरिसकेको छ ।
