२२ चैत्र २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

रोनाल्डोले पाए कार उपहार



अ+ अ-

एजेन्सी । पोर्चुगलका ३७ वर्षीय स्टार फुटबलर क्रिस्टियानो रोनाल्डोकी पार्टनर जर्जिना रोड्रिगेजले उनलाई क्रिसमसको अवसरमा एउटा लक्जरी कार उपहार दिएकी छन् ।

यसै महिना म्यानचेस्टर युनाइटेडबाट अलग भएका रोनाल्डोले साउदी अरेबियाको क्लब अल नासेरसँग वार्षिक १७०० करोडको सम्झौताका लागि वार्ता गरिरहेको बताइएको छ । रोल्स रोयस श्रृंखलाको फ्यान्तम मोडेलको गाडीको मूल्य नेपाली बजारमा करिब ६ करोड १७ लाख रुपैँयाबाट सुरु हुने गर्दछ ।

हाल परिवारसँग छुट्टी मनाइरहेका रोनाल्डोलाई जर्जिनाले विशेष ब्राण्डको कार (रोल्स रोयस) उपहार दिएकी हुन् । पछिल्ला केही महिनामा रोनाल्डोको लागि अवस्था राम्रो भइरहेको छैन । म्यानचेस्टर युनाइटेडका प्रशिक्षक एरिक टेन हेगसँग उनको सम्बन्ध राम्रो रहेन ।

पियर्स मोर्गनसँगको एक अन्तर्वार्तामा आफ्नो क्लबको आलोचना गरेपछि उनी फेरि समस्यामा परेर म्यानचेस्टर युनाइटेडले पारस्परिक सहमतिमा उनको सम्झौता समाप्त गर्यो ।

पाँच पटक बालोन डी’ओर अवार्ड जितेका रोनाल्डो विश्वकपमा पोर्चुगलबाट कतार पुगेका थिए । त्यहाँ पनि उनले प्रशिक्षक फर्नान्डो सान्तोससँग बाझिए । प्रशिक्षकले उनलाई दोस्रो हाफमा दुई खेलमा बेन्चमा राखे । पोर्चुगल क्वार्टरफाइनलमा मोरक्कोसँग पराजित भएपछि रोनाल्डोको पोर्चुगलको विश्वकप जित्ने सपना फेरि चकनाचुर बन्यो ।