२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

सन्दीपको ठाउँमा नयाँ कप्तानको टुंगो लगाउँदै क्यान, छनोट समितिको बैठक बस्दै



अ+ अ-

काठमाडौं । नेपाली राष्ट्रिय क्रिकेट टिमको नयाँ कप्तानको टुंगो आज लाग्ने भएको छ । नेपाल क्रिकेट संघ (क्यान)ले यूएईसँग शृंखला खेल्नुअघि नयाँ कप्तानबारे निर्णय गर्ने संकेत गरेको हो । आज साँझसम्म नयाँ कप्तानको टुंगो लाग्ने क्यानले जनाएको छ ।

क्यानका कार्यबाहक सचिव प्रशान्तविक्रम मल्लका अनुसार आज (शुक्रबार) साँझसम्म नयाँ कप्तानको नाम बाहिर आउनेछ । जसका लागि क्यानको छनोट समितिको बैठक समेत बस्दैछ ।

गत पुसमा नेपाली क्रिकेट टोलीको ‘कमान’ सम्हालेका सन्दीप लामिछानेलाई बलात्कारको आरोप लागेपछि क्यानले निलम्बन गरेको थियो । त्यसअघिका कप्तान ज्ञानेन्द्र मल्ललाई अनुशासन कारबाही गर्दै क्यानले पदबाट हटाएर सन्दीपलाई जिम्मेवारी दिएको थियो ।

मल्लसँगै उपकप्तान दीपेन्द्रसिंह ऐरी पनि कारबाहीमा परेका थिए । क्यानले मल्लको स्थानमा लामिछाने र ऐरीको स्थानमा रोहित पौडेललाई जिम्मेवारी दिएको थियो । बलात्कारको आरोप लागेका सन्दीप अहिले मुद्दा पुर्पक्षका लागि थुनामा छन् ।

यूएईसँगको खेलका लागि मात्र नभएर पछिसम्मलाई हेरेर कप्तानको नियुक्त गर्ने मनस्थितीमा क्यान छ । दीपेन्द्र, ज्ञानेन्द्र र रोहितमध्ये एक जनालाई कप्तानको जिम्मेवारी दिइने चर्चा छ ।

क्यानले दिएको जानकारी अनुसार नेपालसँग एकदिवसीय खेल खेल्न यूएईको टोली शनिबार काठमाडौं आइपुग्ने छ । नेपाल र यूएईले कात्तिक २८, ३० र मंसिर २ गते तीनवटा एकदिवसीय खेल खेल्दैछन् ।