एजेन्सी । भारतको उत्तराखण्डको रुद्रप्रयागस्थित प्रसिद्ध धार्मिकस्थल केदारनाथबाट २ किलोमिटर टाढा एक निजी कम्पनीको हेलिकप्टर दुर्घटना भएको छ ।
दुर्घटनामा पाइलटसहित सात जनाको मृत्यु भएको छ । हेलिकप्टर गरुडछट्टी नजिकै दुर्घटना भएको हो । त्यसमा भक्तजन सवार थिए ।
हेलिकप्टर निजी कम्पनी आर्यन हेलीको रहेको बताइएको छ । यो उत्तरकाशीको कम्पनी हो । यसले केदारनाथमा दर्शनका लागि भक्तहरूलाई टुर प्याकेज दिन्छ । खराब मौसमका कारण दुर्घटना भएको बताइएको छ ।
