२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

म्यान्चेस्टर डर्बीः सिटीले युनाइटेडलाई ६-३ ले हरायो



अ+ अ-

एजेन्सी । इंग्लिस प्रिमियर लिग फुटबल अन्तर्गत म्यानचेस्टर डर्बीमा म्यानचेस्टर सिटीले सानदार जित निकालेको छ । घरेलु मैदान इतिहाद स्टेडियममा सोमबार भएको खेलमा म्यानचेस्टर सिटीले म्यानचेस्टर युनाइटेडमाथि ६–३ को सानदार जित निकालेको हो ।

सिटीको जितमा एर्लिङ ब्राउट हालान्ड र फिल फोडेनले ह्याट्रिक गरे । युनाइटेडका एन्थोनी मार्सियलले दुई तथा एन्टोनीले एक गोल फर्काए ।

खेलको आठौं मिनेटमा फिल फोडेनको गोलबाट सिटीले सुरुवाती अग्रता लिएको थियो । उनले बर्नाडो सिल्भाको पासमा गोल गरे । यस्तै, ३४औं मिनेटमा हालान्डले गोल गर्दै सिटीको अग्रता दोब्बर बनाए । उनले केभिन डि ब्रुएनाको पासमा गोल गरे ।

३७औं मिनेटमा हालान्डले केभिन डि ब्रुएनाकै पासमा व्यक्तिगत दोस्रो तथा टोलीका लागि तेस्रो गोल गर्दै सिटीलाई ३–० को स्थितीमा पुर्याए । ४४औं मिनेटमा फिल फोडेनले व्यक्तिगत दोस्रो तथा टोलीका लागि चौथो गोल गरेपछि सिटी पहिलो हाफमै ४–० ले अघि रह्यो ।

५६औं मिनेटमा एन्टोनीले गोल गर्दै खेललाई ४–१ को स्थितिमा ल्याए । उनले क्रिस्टियन एरिक्सनको पासमा गोल गरे । ६४औं मिनेटमा हालान्डले ह्याट्रिक पूरा गरेपछि सिटी खेलमा ५–१ ले अघि बढ्यो । उनलाई सर्जियो गोमेजले पास उपलब्ध गराए ।

७३औं मिनेटमा फिल फोडेनले गोल गर्दै ह्याट्रिक पूरा गरे । उनलाई हालान्डले पास उपलब्ध गराए । त्यसपछि एन्थोनी मार्सियलले दुई गोल गरेपनि युनाइटेडको हार टार्न सकेनन् ।

८४औ मिनेटमा मार्सियालले गोल गर्दै खेलाई ६–२ को स्थितिमा ल्याए । इन्ज्युरी समयको थप गरिएको पहिलो मिनेटमा मार्सियलले पेनाल्टीमा गोल गर्दै युनाइटेडलाई ६–३ को स्थितिमा लगे । त्यसपछि खेल सहजै युनाइटेडको पक्षमा रह्यो ।

जितसँगै सिटी ८ खेलबाट २० अंक जोडेर दोस्रो स्थानमा यथावत रहेको छ । पराजित युनाइटेड ७ खेलबाट १२ अंक जोडेर छैटौं स्थानमा छ ।