काठमाडौं । नेपाल कम्युनिष्ट पार्टी (माओवादी–समाजवादी) का केन्द्रीय सदस्य पङ्ख तिरूवा नेकपा (एमाले)मा प्रवेश गरेका छन् ।
उनीसँग नेकपा एकीकृत समाजवादीका कालिकोट जिल्ला कमिटीका सचिवालय सदस्य विष्णु तिरूवा पनि एमालेमा प्रवेश गरेका छन् ।
कालिकोटको रास्कोट नगरपालिका–५ का स्थायी बासिन्दा दुबैजनालाई पार्टीको केन्द्रीय कार्यालय च्यासलमा महासचिव शंकर पोखरेलले खादा लगाई स्वागत गरे ।
नेकपा (एमाले)का केन्द्रीय कमिटी सदस्य तथा कालिकोट जिल्ला इन्चार्ज नगिन्द्र शाहीले उनीहरूलाई पार्टी प्रवेशमा सहजीकरण गरेका थिए ।
