२३ चैत्र २०८१, आईतवार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

चेल्सी र टोटेनहमले अंक बाँडे



अ+ अ-

लण्डन । इंग्लिस प्रिमियर लिग फुटबल अन्तर्ग चेल्सी र टोटेनहमले बराबरी खेलेका छन् । आइतबार राति भएको लण्डन डर्बीमा दुबै टिमले २–२ गोलको बराबरी खेल्दै अंक बाँडेका हुन् ।

खेलको १९ औं मिनेटमा कालीडोउ कोउलीबालीले गोल गर्दै घरेलु मैदानमा चेल्सीलाई सुरुवाती अग्रता दिलाएका थिए । ६८ औं मिनेटमा पिएरे एमील हज्व्जर्गले गोल गर्दै टोटेनहमलाई १–१ बराबरीको अवस्थामा ल्याए ।

७७ औं मिनेटमा रिकी जेम्सले गोल गर्दै चेल्सीलाई २–१ को अग्रता दिलाए । खेल सकिनै लाग्दा इन्जुरी समयमा ह्यारी केनले गोल गर्दै टोटेनहमलाई हारबाट जोगाए ।

खेलमा दुवै टोलीका प्रशिक्षकबीच टेक्निकल बक्समा भनाभन हुँदा तनावको स्थिति सिर्जना भएको थियो । रेफ्रीले दुवैलाई पहेंलो कार्ड समेत देखाएका थिए ।

यस्तै, खेल सकिएपछि हात मिलाउने क्रममा दुई प्रशिक्षकबीच पुनः भनाभन हुँदा मैदानमा तनावपूर्ण स्थिति बनेको थियो । दुवै टोलीका खेलाडी र अफिसियल समेत भनाभनमा जोडीन पुगेपछि अन्त्यमा रेफ्रीले दुवै प्रशिक्षकलाई रातो कार्ड देखाउन पुगे ।

यस बराबरीसँगै दुई खेलबाट ४ अंक जोडेको टोटेनहम तालिकाको चौंथो स्थानमा रहेको छ । समान अंकसाथ चेल्सी सातौं स्थानमा छ ।