काठमाडौ । प्रतिनिधि सभाको उपसभामुख पदमा सत्तागठबन्धनका उम्मेदवार नेपाली कांग्रेसकी सांसद पुष्पा भुसाल बिजयी हुनु भएको छ ।
भुसाललाई नेपाली काग्रेस, नेकपा माओवादी केन्द्र , नेकपा एकिकृत समाजबादी , जसपा , लोसपा , राष्ट्रिय जनमोर्चा ले समर्थन गरेको थियो ।
भुसाललाई उपसभामुख पदमा निर्वाचित गरियोस् भन्ने प्रस्तावको पक्षमा १४८ मत, उक्त प्रस्तावको विपक्षमा ९३ र मत दिन्न भन्नेमा एक मत परेको थियो । बैठकमा जम्मा २४२ जना सांसदको उपस्थिति रहेको थियो भने नेमकिपा मा सासंद प्रेम सुवालले कुनै पनि उम्मेदवारलाई मत दिनु भएन ।
यसै गरी एमालेमा तर्फबाट उम्मदबार बन्नु भएकी बिद्या भट्टराईलाई नेकपा एमाले र राप्रपाले समर्थन जनाएको थियो ।
नेपालको संविधानमा सभामुख पुरुष भए उपसभामुख महिला हुनुपर्ने संवैधानिक व्यवस्था छ । यसअघि उपसभामुख रहेकी डा शिवमाया तुम्बाहाङफेले राजीनामा दिएपछि साढे २ वर्षदेखि उपसभामुख पद रिक्त थियो ।
