काठमाडौं। आज साताको पहिलो दिन(आईतबार) नेपाली सुनचाँदी बजारमा सुनको मूल्य बढेको छ। आज छापावाला सुनको मूल्य ३ सयले बढेर ९७ हजार पाँच सय रुपैयाँ कायम भएको छ।
नेपाल सुनचाँदी व्यवसायी महासंघको अनुसार शुक्रबार प्रति तोला ९७ हजार दुई सय रुपैयाँमा कारोबार भएको छापावाला सुनको मूल्य आज ३ सयले बढेर प्रति तोला ९७ हजार पाँच सय रुपैयाँमा कारोबार भईरहेको जनाएको छ।
यसैगरी, आज तेजावी सुनको मूल्य प्रतितोला ९७ हजार रुपैयाँमा कारोबार भईरहेको छ।
त्यस्तै, चाँदीको मूल्य तोलामा १० रुपैयाँले घटेर १२ सयरुपैयाँमा कारोबार भईरहेको महासंघले जनाएको छ ।
