काठमाडौं । स्पेनिस टेनिस स्टार राफायल नाडाल विम्बल्डन टेनिसको तेस्रो चरणमा प्रवेश गरेका छन् ।
सेन्टर कोर्टमा बिहीबार राति लिथुनियाका रिकार्डस बेरान्किसलाई हराउँदै उनी तेस्रो चरणमा प्रवेश गरेका हुन् ।
दोस्रो वरियताका नाडालले रिकार्डसमाथि ६–४,६–४,४–६ र ६–३ को सेटमा जित निकाले । ३६ वर्षीय नाडालको यो ३ सय ७ औं ग्रान्डस्लाम जित समेत हो ।
कीर्तिमानी २२ औं पटकको ग्रान्डस्लाम विजेता नाडालले दुई पटक विम्बल्डनको उपाधि जितेका छन् ।
यस्तै, महिलातर्फ विश्व नम्बर एक इगा स्वेटेकले तेस्रो चरणमा स्थान बनाएकी छिन् ।
इगाले नेदरल्यान्ड्सकी लेस्ली पट्टिनामा केरखोवलाई ६–४, ४–६ र ६–३ ले पराजित गरिन् ।
