काठमाडौँ । आज साताको दोस्रो दिन (सोमबार) सुनको मूल्यमा सामान्य गिरावट आएको छ । आइतबार १५ सय रुपैयाँले बढेको सुनको मूल्य आज प्रतितोला ३ सय रुपैयाँले घटेको नेपाल सुनचाँदी व्यवसायी महासंघले जानकारी दिएको छ ।
आइतबार प्रतितोला ९९ हजार २०० रुपैयाँमा कारोबार भएको छापावाला सुनको भाउ आज प्रतितोला ९८ हजार ९ सय रुपैयाँमा कारोबार भईरहेको छ । त्यस्तै, यसअघि प्रतितोला ९८ हजार ७ सय रुपैयाँ रहेको तेजाबी सुन आज घटेर ९८ हजार ४०० रुपैयाँमा कारोबार भईरहेको छ ।
महासंघको अनुसार आज चाँदीको मूल्य पनि प्रतितोला १५ रुपैयाँले घटेको छ । आइतबार प्रतितोला १२ सय ८० रुपैयाँमा कारोबार भएको चाँदी आज घटेर १२ सय ६५ रुपैयाँ पुगेको हो ।
