डाकार । सेनेगलमा आइतबार राष्ट्रपतिका लागि पहिलो चरणको चुनाव हुँदैछ । वर्तमान राष्ट्रपति म्याकी साल पनि चुनावी मैदानमा छन्।
उनका प्रतिस्पर्धीका रुपमा डाकार नगरका लोकप्रिय पूर्व मेयर खलिफा साल र पूर्व राष्ट्रपतिका छोरा करिम वाडे रहेकामा दुबैको उम्मेदवारी रद्द भएको छ । उनिहरुमाथि भ्रष्टाचारको आरोपमा अदालतबाट दोषी ठहर गरिएको छ ।
“पहिलो चरणमा विजयी हुनेमा द्विविधा नै छैन,” म्याकी सालले डाकारमा आयोजित अन्तिम चुनावी सभामा सम्बोधन गर्दै भने ।
चुनावी प्रतिस्पर्धामा राष्ट्रपति साल विरुद्ध चार जना विपक्षी नेताहरुले चुनौती दिँदैछन्, तर उनीहरु त्यति लोकप्रिय छैनन् ।
