काठमाडौँ । नेपालका लागि अमेरिकी राजदूत रेन्डी बेरीले नेपाल कम्युनिष्ट पार्टीका वरिष्ठ नेता माधवकुमार नेपालसँग भेट गरेका छन् । राजदूत बेरीले नेकपाको वैदेशिक मामिला विभाग प्रमुख समेत रहेका नेपालसँग उनकै निवास कोटेश्व पुगेर भेटवार्ता गरेका हुन् ।
भेटमा नेपाल–अमेरिका सम्बन्धको लामो इतिहासको स्मरण गर्दै विकसित पछिल्ला घटनाक्रमहरु, नेपालको विकासको संभावनाहरु, नेपालका लागि अमेरिकी सहयोग तथा दुई देश बीचको पारस्पारिक सम्बन्धका विविध पक्षमा कुराकानी भएको छ ।
