काठमाडौं । जनजातिको पहिचानका विषयमा कलम चलाएको भन्दै लेखक खगेन्द्र संग्रौलालाई सम्मान गरिने भएको छ । पहिचान पुरस्कार कोषले ‘पहिचान सम्मान–२०२०’ बाट उनलाई पुरस्कृत गर्न लागेको हो ।
कोषले विज्ञप्ति जारी गरी आगामी २२ चैतमा चार लाख दुई हजार दुई सय रुपैयाँ रहेको उक्त पुरस्कार प्रदान गरिने जनाएको छ ।
कोष स्थापनापछि ‘पहिचान पुरस्कार’ पाउने साहित्यकार संग्रौला पहिलो व्यक्ति हुन् । सन् २०१५ मा स्थापित कोषले पहिचान स्थापनामा योगदान पुर्याएका व्यक्तिलाई हरेक पाँच वर्षमा एकपटक ‘पहिचान सम्मान’ प्रदान गर्ने जनाएको छ ।
