काठमाडौं । गायिका आनीछोइङ डोल्मालाई कोरोनाभाइरस संक्रमण पुष्टि भएको छ । उनलाई ओमिक्रोन भाइरसको नयाँ भेरिएन्टले संक्रमण भएको हो । उनले सामाजिक संजालमार्फत आफू संक्रमित भएर होम आइसोलेसनमा बसिरहेको जानकारी दिएकी छन् ।
आफ्नो अवस्था ठिकै भएता पनि सहि अनुभव भने पक्कै हैन भनेकी छन् । उनलाई मध्यम खाले लक्षण देखिएको र स्वास्थ्य लाभ गरिरहेको उनले बताएकी छिन् ।
तातोपानीको वाफ लिँदै गरेको तस्बिर साझा गर्दै उनले सबैलाई स्वास्थ्य मापदण्डको पालना गरी सतर्कता अपनाउन समेत भनेकी छिन् ।
