रामेछाप । रामेछापको गोकुलगंगा गाउँपालिकामा गएको पहिरोमा पुरिएर तीन जनाको मृत्यु भएको छ । बिहीबार साँझ गोकुलगंगा गाउँपालिका–६ फर्पुमा पहिरो गएको हो ।
पहिरोमा पुरिएर स्थानीय १३, १५ र १७ वर्षीया किशोरीको मृत्यु भएको रामेछाप प्रहरीले जनाएको छ । १७ वर्षीया सीता तामाङ, १५ वर्षीया आशिका तामाङ र १३ वर्षीया लक्ष्मी तामाङको मृत्यु भएको जिल्ला प्रहरी कार्यालय रामेछापले जनाएको छ ।
पहिरोको जोखिममा रहेका केही घरका स्थानीयको उद्धार भएको छ ।
रामेछाप प्रहरीका अनुसार खेतमा काम गरेर चाँडै घर फर्किएका तीन जनालाई घरसँगै पहिरोले छोपेको हो । उद्धारका लागि प्रहरीको टोली रातिदेखि नै सक्रिय भइरहेको छ ।
