काठमाडौं । नेकपा (माओवादी केन्द्र) को स्थायी कमिटी बैठक आज बस्दैछ । पार्टी केन्द्रिय कार्यालय पेरिस डाँडामा बस्न लागेको बैठक बिहान ११ बजेबाट शुरु हुनेछ ।
बैठकमा रूपान्तरण अभियानको मूल्याङ्कन, आगामी अभियानको तयारी, कार्यविभाजन लगायतका विषयमा छलफल गर्ने एजेन्डा रहेको बताईएको छ।
बैठकमा माओवादी रुपान्तरण विशेष अभियानअन्तर्गत राम्रो काम गर्नेलाई सम्मान र काममा नखटिएकाहरुलाई कारबाहीका साथै सम्मानित र कारबाहीमा परेका तीन/तीन जनाको नाम सार्वजनिक गरिने बताइएको छ ।
यस्तै, स्थायी कमिटी सदस्यहरुले उठाएका प्रश्नमा अध्यक्ष एवम् प्रधानमन्त्री पुष्पकमल दाहालले जवाफ दिने कार्यसूची रहेको प्रवक्ता अग्निप्रसाद सापकोटाले जानकारी दिए ।
