एजेन्सी । पोर्चुगलमा बबी नामको कुकुरले ठूलो उपलब्धि हासिल गरेको छ । यसलाई गिनिज वल्र्ड रेकर्ड्सले अहिलेसम्मकै सबैभन्दा पुरानो जीवित कुकुरको उपाधि दिएको छ । बबी बिहीबार ३१ वर्षको भए ।
बबीको मालिकले यो अवसरलाई विशेष तरिकाले मनाउने बताए । शुद्ध नस्ल रेफेइरो डो एलेन्तेजो मे ११, १९९२ मा जन्मिएको थियो र आफ्नो मालिक लियोनेल कोस्टासँग पोर्चुगलको लेइरिया जिल्लामा बस्छ ।
बबीको जन्म मिति लेइरिया नगरपालिकाको पशु चिकित्सा सेवाद्वारा पुष्टि गरिएको छ । मालिकले आयोजना गर्ने पार्टीको विवरण साझा गरेका छन् ।
गिनिज वल्र्ड रेकर्डले उनलाई शनिबार जन्मदिनको पार्टीको लागि १०० प्रशंसक र साथीहरूलाई आमन्त्रित गरेको उनी बताउँछन् । जसमा अन्य देशका मानिसहरू पनि पर्छन् ।
कोस्टासँग विगतमा धेरै पुराना कुकुरहरू थिए, जसमा बबीकी आमा जिरा पनि थिइन् । जुन १८ वर्षसम्म बाँचेकी थिइन् । यद्यपि, कोस्टाले कहिल्यै सोचेका थिएनन् कि उनको कुकुर तीस वर्ष पुग्छ ।
फेब्रुअरीमा गिनिज वल्र्ड रेकर्डको उपाधि दिएपछि बबीको जीवन व्यस्त छ । उनले बबीको स्वास्थ्य विगत केही महिनादेखि राम्रो रहेको खुलासा गरे । यद्यपि, उनलाई हालै पशु चिकित्सकमा चेकअपका लागि लगिएको थियो ।
