एजेन्सी । १६ औं संस्करणको इन्डियन प्रिमियर लिग (आईपीएल)लाई लिएर फ्यानमा निकै क्रेज छ । अहिलेसम्म लगभग सबै खेलमा रंगशाला खचाखच भरिएको छ । यी खेल र मनपर्ने खेलाडी हेर्नको लागि मानिसहरु कीर्तिमानी संख्यामा रंगशाला पुगेका छन् ।
तर, मनपर्ने टोली र खेलाडीलाई समर्थन गर्दा कहिलेकाहीँ खेलाडीहरूबीच झगडा हुने गरेको छ । सामाजिक सञ्जालमा एक भिडियो सार्वजनिक भएको छ, जसमा फ्यानहरूबीच निकै लात र मुक्का चलिरहेको छ ।
यो लडाई दिल्लीको अरुण जेटली स्टेडियम (पहिले फिरोज शाह कोटला)मा दिल्ली क्यापिटल्स र सनराइजर्स हैदरावाद बीचको शनिबारको खेलमा भएको बताइएको छ ।
भिडियोमा केही फ्यानका हातमा दिल्ली क्यापिटल्सको झण्डा देखिएको थियो । झडपका क्रममा पाँचदेखि छ जना आपसमा झगडा गरेका थिए । यो झगडा के कारणले भयो भन्ने थाहा नभए पनि यसको भिडियो सामाजिक सञ्जालमा निकै भाइरल भइरहेको छ । पछि केही मानिसहरू आएर हस्तक्षेप गरेर मामिला शान्त गराए ।
खेलको बारेमा कुरा गर्दा डेभिड वार्नरको कप्तानीमा रहेको दिल्ली क्यापिटल्सले आइपिएलको १६ औं सिजनमा छैटौं हार बेहोरेको छ । दिल्ली शनिबार (२९ अप्रिल) घरेलु मैदान अरुण जेटली स्टेडियममा सनराइजर्स हैदरावादसँग ९ रनले पराजित भएको थियो । यो जितसँगै हैदरावादको टोलीले दिल्लीसँगको लगातार पाँच हारको क्रम तोडेको छ ।
A fight took place between fans in Delhi during their match against SRH. pic.twitter.com/MYPj6dqejb
— Mufaddal Vohra (@mufaddal_vohra) April 30, 2023
