१९ माघ २०८१, शनिबार
,
Latest
जनसहभागिताबिनाका योजना सफल हुन सक्दैन: मुख्यमन्त्री पाण्डे तस्बिरमा हेर्नुस् रास्वपा केन्द्रीय परिषद्को राष्ट्रिय भेला समृद्ध मुलुक निर्माणका निम्ति प्रविधिको उपयोग अपरिहार्य छ: प्रधानमन्त्री बाहिरको प्रहार जति पनि खेप्छु, खेप्छौं, भित्रबाट प्रहार नगर्नुस् – रवि लामिछाने विद्युतीय जोखिम कम गर्न श्रमदानद्वारा झाडी हटाइँदै संविधान संशोधनको विषय मनोगत नभई वस्तुगत हुनुपर्छ: सभामुख घिमिरे (अन्तरवार्ता) मुस्ताङको पाक्लिङमा २० करोडको लागतमा गुम्बा निर्माण सुनको मूल्यमा सामान्य गिरावट गगनलाई रविको जवाफ: ‘प्रणाम छ भन्नुभएको रहेछ, मेरो पनि प्रणाम’ देशमा देखिएको समस्याहरुको मुल कारण नै संविधान होः अध्यक्ष लिङदेन

नेटवर्किङ व्यवसायबाट ठगी गर्ने एक व्यक्ति पक्राउ



अ+ अ-

काठमाडौँ । जिल्ला प्रहरी परिसर काठमाडौँले नेटवर्किङ व्यवसाय गरी ठगी गर्ने एकजनालाई पक्राउ गरेको छ ।

प्रहरीले १४ जना पिडितबाट नगद रु १७ लाख तीन हजार चार सय र ३६ जना पिडितबाट नगद रु ३८ लाख १९ हजार चार सय बराबरको रकम‌ ठगी गर्ने काठमाडौँ महानगरपालिका–७ चावहिल, गंगाहिटीमा रहेको भिजन ड्रिमरी प्रालिका सञ्चालक धरान उपमहानगरपालिका–१७ की ३५ वर्षीया जुनुकला राईलाई पक्राउ गरिएको जनाएको छ ।

निज राईले नेपाली कला र सीपबाट सृजित विभिन्न प्रकारका सामान उत्पादन तथा बिक्री वितरण गर्ने गराउने सम्बन्धी स्वीकृति लिई‌ इजाजतको समेत बर्खिलाप हुने गरी १६–२५ बर्ष उमेर समुहका धेरैजसो युवायुवतीलाई आकर्षक आम्दानी, विभिन्न योजना (९२५ प्रतिशत, ३५ प्रतिशत, ४५ प्रतिशत र ४६ प्रतिशत नाम दिई), वैदेशिक भ्रमण लगायतका लोभन दिई न्यूनतम ११,३०० देखि अधिकतम ५,००,००० सम्म तिरी सदस्यता बनाएकी थिइन् ।

प्रहरीका अनुसार उनीहरुलाई कम्तीमा ४ जना सदस्य बनाउन सकेमा लगानी रकम फिर्ता हुने र गर्न नसकेको खण्डमा कम्पनीबाट उत्पादित भनिएको गुणस्तर परीक्षण नभएको विभिन्न तयारी पोशाक, जुत्ता, हस्तकलाका सामाग्रीहरु बजार मूल्यभन्दा अत्यधिक ज्यादा मूल्यमा बिक्री गराउनु पर्ने शर्त राख्नुका साथै शर्त पालना नगरिएको खण्डमा लगानी रकम समेत फिर्ता नगरी लाखौँ नगद असुल गरेकी थिइन् ।

राईउपर ठगी सम्बन्धी मुद्दामा काठमाडौँ जिल्ला अदालतबाट दिन ५ को म्याद थप अनुमति लिई प्रहरी वृत्त गौशालाबाट थप अनुसन्धान भइरहेको प्रहरीले जनाएको छ।