काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्ड र नेपालस्थित भारतीय राजदूत नवीन श्रीवास्तवबीच भेटवार्ता भएको छ । प्रचण्ड निवास खुमलटारमा शनिबार उहाँहरुबीच छलफल भएको हो ।
प्रतिनिधिसभा निर्वाचनमा आएको पछिल्लो मतपरिणापछि सम्भावित सरकार गठनबारे राजदूत श्रीवास्तवले अध्यक्ष प्रचण्डलाई निवासमै गएर भेट्नुभएको हो । उहाँहरुबीच समसामयिक विषयमा कुराकानी भएको बताइएको छ ।
यसअघि शुक्रबार राजदूत श्रीवास्तवले प्रधानमन्त्री शेरबहादुर देउवासँग भेट गरी छलफल गर्नुभएको थियो ।
