काठमाडौं । नेपाली कांग्रेसकी नेतृ डा माधवी भट्ट पराजुलीले गोरखा क्षेत्र नं २ मा प्रतिनिधिसभा सदस्यका उम्मेदवारी दर्ता गराउनु भएको छ ।
यसै क्षेत्र बाट माओवादी केन्द्रका अध्यक्ष पुष्पकमल दाहाल ले पनि मनोनयन दर्ता गराउनु भएको छ । मनोनयन दर्ता पछि भट्टले भन्नुभयो “गोरखाले मलाई यस पटक न्याय गर्छ ।”
गोरखामा उम्मेदवार बन्ने घोषणा संगै केही दिन अघि भट्टले सामाजिक संञ्जालमा लेख्नुभएको थियो-
प्रचण्ड विरुद्द मेरो उम्मेदवारी !!
गोरखाले मलाइ न्याय गर्नेछ ।
गोरखा क्षेत्र नं २ वाट प्रचण्ड विरुद्ध उम्मेदवारी दिने निर्णय गरेको छु । जिल्लाको विकास निर्माण र द्वन्द्वकालीन अपराधका विषय मुख्य मुद्दा बनाउनेछु ।गोरखा क्षेत्र नं २ मेरो जन्मस्थान मात्र होइन ।
त्यहाँको नेपाली काँग्रेस पार्टी निर्माण गर्न मेरो स्वर्गीय पिताजी रोहिणी भट्टको २००४ सालदेखिको त्याग तपस्या र बलिदानी छ । बिस २०५१ सालमा राष्ट्रिय सभा सदस्य बन्नुभएको मेरो बुबाले करिब १० वर्ष भारतमा प्रवास र पटक पटक नेपालको जेल जीवन बिताउनु भएको छ । म त्यही हुर्के बढेको हुँ ।
मलाइ लाग्छ निष्ठावान् व्यक्तिहरूले अहिंसाका पक्षधर मेरो पिताको सङ्घर्षपूर्ण सुस्केराहरूलाई भुलेका छैनन् । मेरो क्षमता र निष्ठालाई अनुमोदन गर्नेछन् भन्ने विश्वास लिएको छु ।
असल र संघर्षशील मानिसहरूको राजनीतिक जीवन हत्या गर्न पार्टीका नेताहरू लाग्छन् भने अन्तरात्माको भाव सुनेर सही निर्णय लिन पछि हट्न हुन्न । बिपीले भन्नुभएको छ गलत कामको विरुद्ध बोल्न नसक्नेहरू कार्यकर्ता होइनन् दास हुन । मैले दास बन्न चाहिन ।
जय नेपाल
