काठमाडौँ । आगामी प्रदेश सभा र प्रतिनिधि सभा निर्वाचनको सिट बाँडफाँटबारे टुंगो लगाउन बनेको सत्तारुढ गठबन्धनको कार्यदलको बैठक आज बुधबार पनि बस्दैछ ।
बैठक साँझ ५ बजे प्रधानमन्त्रीको सरकारी निवास बालुवाटारमा बस्नेछ ।
आजकै बैठकबाट सिटको बारेमा टुंगो लगाउने गठबन्धनबीच सहमति भएको छ । यसअघि मंगलबार बसेको बैठक बिनानिष्कर्ष टुंगिएको थियो ।
कार्यदलका संयोजक कृष्णप्रसाद सिटौला अनुपस्थित भएपछि केहीबेर छलफल गरेर बैठक आज बुधबार बस्नेगरी सकिएको थियो ।
