काठमाडौं । छिमेकी राष्ट्र भारतकी नवनिर्वाचित राष्ट्रपति द्रौपदी मुर्मूले नेपाल र भारतको सम्बन्ध नयाँ उचाइमा पुग्नेमा आफू विश्वस्त रहेको बताउनुभएको छ ।
प्रधानमन्त्री शेरबहादुर देउवाले ट्वीटरमार्फत दिनुभएको बधाई सन्देशको प्रतिउत्तरमा उहाँले आफू नेपाल र भारतबीचको सम्बन्ध नयाँ उचाइमा पुग्नेमा विश्वस्त रहेको बताउनुभएको हो ।
उहाँले लेख्नुभएको छ, ‘नेपाल र भारतबीचको उत्कृष्ट मित्रता र महान सम्बन्ध छिट्टै नयाँ उचाइमा पुग्नेमा म पनि विश्वस्त छु ।’
प्रधानमन्त्री देउवाले मुर्मू भारतको १५ औं राष्ट्रपतिमा निर्वाचित भएलगत्तै बिहीवार राति ट्वीटरमार्फत बधाई दिनुभएको थियो ।
